केस पातळ होण्याची नक्की काय आहेत कारणं, जाणून घ्या

केस लाँग असो वा शॉर्ट, दाट असले तर सुंदर दिसतात. परंतू हल्ली महिलांचे केस पातळ होण्याची समस्या वाढतच चालली आहे. केस दाट करण्यासाठी महिला महागडे प्रॉडक्ट्स खरेदी करतात तरी फरक दिसून येत नाही. म्हणून यावर उपचार करण्यापूर्वी यामागील कारण जाणून घेणे अधिक महत्त्वाचे आहे. बघू कोणते असे कारण आहे ज्याचा प्रभाव आपल्या केसांवर पडतोय.

अती तेल लावणे


जर आपण केसांमध्ये सतत तेल चोपडत असाल तर स्कॅल्पचे पोर्स बंद होऊन जातात आणि त्यांची ग्रोथ थांबते. बंद पोर्समध्ये साठणारे तेल आणि घाणीमुळे केस कमजोर होऊन जातात.


केस रगडून धुणे

शैम्पू करताना आपण केसांना रगडून-रगडून धुवुत असाल तर ही सवय सोडा. याने केस कमजोर होऊन तुटू लागतात. शैम्पू करताना हलक्या हाताने मसाज करा.

ओले केस विंचरणे


ओले केस विंचरण्याने केस तुटतात. ओल्या केसांना बोटांनी मोकळे करा नंतर नरम टॉवेलने पुसा. केस वाळल्यावर कंगव्याने केस विंचरा.


केसांमध्ये हीटचा प्रयोग

जर आपण केसांवर ‍हीटिंग टूल जसे स्ट्रेटनर, कलर्स आणि नियमित ड्रायर वापरत असाल तर आपले केस पातळ होऊ लागतात. हीटचा प्रयोग कमी करून बघा आपल्या केसांचं आरोग्य सुधारेल.


ताण घेणे

ताण घेणे सोडा. स्ट्रेस लेवल अधिक असल्यास केस पातळ होऊ लागतात. खूश राहण्याचा प्रयत्न करा मग बघा याचा परिणाम आपल्या केसांवरही दिसून येईल.


क्रॅश डाइट

केस मजबूत होण्यासाठी हेल्थी आणि बॅलेस डाइट गरजेची आहे. आपल्या आहारात भरपूर आयरन आणि प्रोटिनचा समावेश करा. दुबळं दिसण्याच्या क्रेझमुळे क्रॅश डाइट करणे योग्य नाही.

लक्षणे:- आपण सामान्यतः दररोज टकलावरचे 50 ते 100 केस गमावतो.  केस यापेक्षा अधिक प्रमाणात गळत असतील तर ते चिंतेचं कारण आहे.  आपल्याला असंही लक्षात येईल की केस हे साधारणतः पातळ होऊ लागले आहेत आणि एक किंवा अधिक टकलाचे चट्टे दिसू लागले आहेत

उपाय:- तणाव कमी करुन, चांगला आहार घेऊन आणि विचारपूर्वक हेयरड्रेसींगचं तंत्र वापरुन, आणि शक्य झाल्यास, केसगळती न होऊ देणारी औषधं घेऊन काही प्रकारची केसगळती ही टाळता येऊ शकते. बुरशीच्या संक्रमणापासून होणारी केसगळती ही केस स्वच्छ ठेवून आणि आपली टोपी, कंगवे किंवा ब्रश इतरांसोबत न वापरुन टाळता येऊ शकते. अनुवांशिक पध्दतीनं येणारं टक्कल काहीवेळा औषधांनी टाळता येऊ शकतं.

Leave a Reply

Your email address will not be published.